Безболен, неинвазивен преглед со помош на рачен микроскоп, т.н дермоскоп, наменет првично за преглед на пигментните промени на кожата, народно кажано бенки или  младежи.

Со овој преглед се врши проценка на бенките, дали се сосема безопасни, сомнителни или пак се работи за малигно заболување. Меланомот, најопасниот рак на кожа може да се излекува, само доколку е фатен во рана фаза.

Затоа не го одложувајте прегледот доколку забележите нешто ново на вашата кожа, бенка која не личи на останатите или пак бенка која почнува да расте и да ги менува боите.

Преглед на ноктите со помош на дермоскоп, дијагностика и препораки за третман на различни заболувања на ноктите-габични инфекции, враснат нокт, подноктени израстоци. Промените на ноктите често се знак на системско заболување, не ги занемарувајте. Појава на лентовидна пигментација на ноктот бара задолжителен преглед со дермоскоп. Еден од поретките карциноми на кожа, меланомот може да се појави и на ноктите.