1. Недоволно долго лекување

Вашата кожа полека реагира на третманот. Потребно е некаде помеѓу 6 и 12 недели. Држете се до третманот еден месец и продолжете да го користите доколку забележите подобрување. Вашата кожа може да се чувствува малку иритирана првите неколку недели.

2. Правење премногу одеднаш

 Пациентите имаат тенденција да ставаат слоеви на неколку производи кога не ги добиваат посакуваните резултати во првите неколку дена. Ако го направите ова, може уште повеќе да ја вознемирите вашата кожа.

3. Премногу чистење

Чистењето на кожата ќе ги влоши вашите акни. Ја загрозува заштитната бариера на вашата кожа и ја зголемува иритацијата. Наместо чистење, обидете се нежно да ја измиете кожата со неиритирачко средство за чистење балансирано со pH за да ја намалите иритацијата. Исто така, погрижете се да исплакнете темелно бидејќи и остатоците може да иритираат.

4. Избирање на несоодветни производи

Производи на база на алкохол, груби средства за чистење и алкални сапуни може да ги влошат акните. Побарајте производи кои се за кожа склона кон акни или некомедогени( не содржат материи кои можат да ги затнат порите). Исто така, избегнувајте производи што содржат масло,

5. Стискање на мозолчиња

Стискањето на мозолчиња ќе го продолжи времето на заздравување, прошири воспалението и ќе го зголеми ризикот од лузни.

6. Предолго одложување на разговор со дерматолог

Штом акните ќе почнат да ја намалуваат самодовербата, да создаваат лузни или да станат болни, време е да закажете преглед. Дерматолозите можат да препишат соодветни лекови за локална и системска употреба, како и одредени амбулантски процедури кои го забрзуваат процесот на заздравување (ласерска терапија, хемиски пилинг, медицинска експресија, микро иглички)

7. Прекумерна употреба или погрешна употреба на препишаните лекови

Користете го лекот како што е наведено. Прекумерната употреба нема да помогне да се исчистат акните; тоа само ќе предизвика повеќе црвенило и сувост. Исто така, непочитувањето на режимот ќе ги одложи сите потенцијални подобрувања на вашата кожа. Доследноста е клучот.

8. Прекин на терапијата штом акните се подобрат

Најдобро е да го намалите лекот наместо само да се откажете од него одеднаш. Така, на пример, ако сте го користеле два пати на ден, почнете да го користите еднаш дневно, и потоа продолжете со терапијата за одржување.